بت صيدلة
صفحة 1 من اصل 1
بت صيدلة
بدت السنة....
والجامعة يعلوها الضجيج....
ناس في الشرق وناس في الغرب
وناس في الدرب متلملمة.....
***
وتائه انا وسط الزحام..
مسكين اسائل في الخلق
من برلمة لي برلمة.....
يا الله كيف..أعمل شنو
القصة دي ما فاهما...
***
وما بين غناي وسط الطريق
وحروف موسيقي و همهمة
شفت الملاك في توب جديد
تقدل خطاها مقسمة..
كل الهموم رقدن قفا
واتبدا الحال العلي
والزهجة دقت مأتما...
***
وبي كل خوف وخجل شديد
قلت اسألها
عن أي حاجة أكلمها..
يا بتنا :
كل الدروب جربتها
عانت خطاي كل العنا..
دليني لي باب الخروج
كل الطرق متشابهة
حتي معالما
بي حس رقيق
وبسمة خجل
خلت عيوني مبلمة
ردت علي:
سوري يا أخو برلومة
اول يوم أجي
ما عارفة شي
ورحلت خطاها منظمة....
وتمتمت بي بيتين شعر
دي الصيدلة وناس صيدلة
يا أحلي ناس ناس صيدلة....
وبقيت افتش في الدروب
كان ألقي زي بت صيدلة
ورجعت بي خفي حنين
وحالتي زادت بهدلة...
ومن الدقش
..ماشربتو شاي الصباح
شايل كلام الكون شعر
واقف قصاد باب صيدلة..
واحد دخل و واحد طاع
بالله شوفو المهزلة...
***
وفجأة اتلفت...
شفت القمر نص النهار
راكبالا كامري مظللة..
وبقيت خفيف..
أديتها الآف السلام
ردت علي
رد السلام طبعا فرض
بس تاني أرجوك ما تكررا..
و رمقتني بي نظرة عتاب
زي التقول شتمتها ويتمتها
وكل الكبائر عاملا....
****
يابتنا
ميت هواك حالف يمين
مار عيونك احصلا..
وكان أصبر الآف السنين
أرجى في هواك بتحملها..
****
وبقت دي هي الحالة العلي
شايل دفاتري من الصباح
قاصد عيون بت صيدلة...
كان يوم تحن ترأف علي
و في ايديها حل المشكلة.......
والجامعة يعلوها الضجيج....
ناس في الشرق وناس في الغرب
وناس في الدرب متلملمة.....
***
وتائه انا وسط الزحام..
مسكين اسائل في الخلق
من برلمة لي برلمة.....
يا الله كيف..أعمل شنو
القصة دي ما فاهما...
***
وما بين غناي وسط الطريق
وحروف موسيقي و همهمة
شفت الملاك في توب جديد
تقدل خطاها مقسمة..
كل الهموم رقدن قفا
واتبدا الحال العلي
والزهجة دقت مأتما...
***
وبي كل خوف وخجل شديد
قلت اسألها
عن أي حاجة أكلمها..
يا بتنا :
كل الدروب جربتها
عانت خطاي كل العنا..
دليني لي باب الخروج
كل الطرق متشابهة
حتي معالما
بي حس رقيق
وبسمة خجل
خلت عيوني مبلمة
ردت علي:
سوري يا أخو برلومة
اول يوم أجي
ما عارفة شي
ورحلت خطاها منظمة....
وتمتمت بي بيتين شعر
دي الصيدلة وناس صيدلة
يا أحلي ناس ناس صيدلة....
وبقيت افتش في الدروب
كان ألقي زي بت صيدلة
ورجعت بي خفي حنين
وحالتي زادت بهدلة...
ومن الدقش
..ماشربتو شاي الصباح
شايل كلام الكون شعر
واقف قصاد باب صيدلة..
واحد دخل و واحد طاع
بالله شوفو المهزلة...
***
وفجأة اتلفت...
شفت القمر نص النهار
راكبالا كامري مظللة..
وبقيت خفيف..
أديتها الآف السلام
ردت علي
رد السلام طبعا فرض
بس تاني أرجوك ما تكررا..
و رمقتني بي نظرة عتاب
زي التقول شتمتها ويتمتها
وكل الكبائر عاملا....
****
يابتنا
ميت هواك حالف يمين
مار عيونك احصلا..
وكان أصبر الآف السنين
أرجى في هواك بتحملها..
****
وبقت دي هي الحالة العلي
شايل دفاتري من الصباح
قاصد عيون بت صيدلة...
كان يوم تحن ترأف علي
و في ايديها حل المشكلة.......
صيدلاني سوداني- Admin
- عدد المساهمات : 96
نقاط : 189
تاريخ التسجيل : 05/05/2010
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى